/ 文章日期: 06/01/2025
文章目錄快捷鍵
Toggle
華強北最火豬腳飯—華強隆江豬腳飯潮汕菜老字號—深運潮州粥菜館香脆煎餃—都會煎餃三十年西安老店—子午路張記深圳第二炒麵—蘭溪手工面 繪春麵館老字號潮汕炸物—潮明興腸粉王
Send埋俾你朋友!【華強北美食】華強北6間必食隱藏小店附交通方法 超正宗潮汕菜+打工人豬腳飯+西安肉夾饃
華強北美食
華強北除咗非常出名的電子城其實仲隱藏咗好多平價美食，行完電子城就啱好可以食返幾間來自潮汕、金華、甚至西安的傳統美食。
華強北最火豬腳飯—華強隆江豬腳飯
豬腳飯
豬腳飯
深圳打工人必備的豬腳飯，又實惠份量又多當然係打工人最佳選擇，一份飯人仔20-30加一份3蚊的苦瓜湯，軟糯的豬腳吸收咗濃濃的滷汁，配料有酸菜、卷章解膩，睇見都流口水！
店名：華強隆江豬腳飯
營業時間：星期二至星期日11：00-21：00
地址：福田區中航路振華路100-15號
地鐵：2/7號線 華強北C出口
推介菜：豬腳飯+苦瓜湯👍
潮汕菜老字號—深運潮州粥菜館
深運潮州粥菜館—菜品
潮州菜令人印象最深刻莫過於滷水鵝配一碗番薯粥，十足的鹹香配上清甜的粥水，打冷也有很多選擇，可以明檔窗櫥直接落單。
店名：深運潮州粥菜館
營業時間：11：00-14：00、17：00-23：00
地址：福田區紅荔路上步工業區501棟1樓
地鐵：3號線華新站A1出口260m
推介菜：炒麻葉、苦瓜煲、鹽焗巴浪魚、雪花牛肉粒、各種滷水
香脆煎餃—都會煎餃
華強北美食 都會煎餃
開在華強北地鐵口的煎餃店每日11點開始就有人排隊。每日新鮮包的上千個煎餃，現點現煎配上辣油同醋真係一下就食嗮！
店名：都會煎餃
營業時間：10：30-賣完收攤
地址：福田區振中二街與深南中路交叉口西北80米
地鐵：1號線華強站A出口
推介菜：玉米煎餃、韭菜煎餃、香菇煎餃
三十年西安老店—子午路張記
子午路張記
子午路張記
唔少人應該都知道西安最出名當然有肉夾饃同西安涼皮，呢間店專門做西安最傳統的餐食，一套「三秦」有肉夾饃+涼皮+冰峰滿足對碳水需求，喜愛碳水的朋友唔好錯過！
店名：子午路張記
營業時間：10：00-21：30
地址：福田區振興路41號
地鐵：2/7號線華強北B出口
推介菜：肉夾饃、涼皮、biangbiang面
深圳第二炒麵—蘭溪手工面 繪春麵館
蘭溪手工面—牛肉炒麵
蘭溪手工面—腰花炒麵
去過長三角一帶的朋友唔知有無食過呢種汁水豐富的爆炒麵，特別係「腰花炒麵」想去腥都幾麻煩，所以係深圳可以食到一碗手工麵+正宗爆炒做法的炒麵非常難得。
店名：蘭溪手工面（繪春麵館）
營業時間：11：30-15：00、17：00-20：30
地址：福田區華髮北路99號賽格科技園101棟E-2號鋪
交通：地鐵3號線華新B出口
推介菜：腰花肥腸炒麵、牛肉炒麵、肥腸湯麵、牛肉拌麵
老字號潮汕炸物—潮明興腸粉王
潮明興腸粉王—自選炸物
網友分享—炸芋頭/紅薯/魚蛋
呢間店已經開咗十幾年雖然叫腸粉王，但實際上最熱門係潮汕炸物。每日下午3點開始炸雞亦、炸豆腐同各種潮汕特色小食，豆腐搭配傳統韭菜水，酥脆香滑。
店名：潮明興腸粉王
營業時間：9：00-20：00
地址：福田區華強北街道振中路華強電子世界C座Q1D007
地鐵：2/7號線華強北A出口
推介菜：炸雞翼、炸紅薯、普寧豆乾、反沙芋、牛肉腸粉、炸粿肉、炸粉果